السلام عليكم اعتبروني اخوكم الجديد

السعودية تصدر قرار بالعفو عن السريلانكي الساب لرسول الله صلي الله عليه و سلم

بالله عليكم اقراوا كلامي للاخر وخدوا نصيحتي ابوس ايدكم وابعدوا عن فاليو مهما كانت ظروفكم صعبة

أنا عندي 17 سنة ولسا على أول خطوة من حياتي واهلي مطلقين وعايش مع أمي واخواتي على النفقة اللي أبويا بيبعتها كل شهر

ظروفنا المادية صعبة جدا لدرجة إني ساعات مبلاقيش فلوس مواصلات الجامعة وبضطر أروح مشي ومبقدرش أجيب كل احتياجاتي للدراسة وفوق كل ده علاقتي بامي سيء جدا والبيت نفسه بقى مصدر ضغط ليا ومبقتش حاسس إن عندي حد اقدر ألجا له لما اكون في مشكلة من كتر الضغط والحرمان و اخدت اغبى قرار في حياتي واستلفت من فاليو من غير ما يكون عندي اي خطة او مصدر للسداد ووقتها كنت بفكر ازاي هوفر احتياجاتي الاول و مش ازاي هسد الفلوس دي بعدين ودلوقتي مش قادر اسدد حتى الحد الادنى وحسابي اتقفل وبقى فيه محصل مالي بيتواصل معايا حاولت اطلب من امي المساعدة قالتلي دي غلطتك وانت المسؤول عنها وانا مش بلومها على كل حاجة بس انا فعلا بقيت مش عارف اعمل ايه ولا اروح لمين انا عارف اني غلطت ومش بحاول اتهرب من مسؤوليتي بس انا طالب معنديش شغل ولا دخل ثابت ومش قادر أوفر حتى مصاريفي الأساسية ف ازااي هسدد دين وانا أصلًا مش لاقي أصرف على نفسي؟

ولله العظيم انا مش بطلب من حد فلوس ولا مستني حد يحل مشاكلي مكاني ابوس ايدكم محدش يفهمني غلط انا بس والله تعبت من اني أشيل كل ده لوحدي ومبقتش عارف انام وانا بفكر في اللي مستنيني بكرة ومحتاج نصيحتكم في كام حاجة هل هينفع اقول للمحصل اني بحاول ألاقي شغل وان اول ما اشتغل هبدا اسدد ولا ممكن ده يسببلي مشكلة لو موفتش بوعدي و ايه اللي ممكن يحصل قانونيا لو فضلت عاجز عن السداد وهل الموضوع ممكن يوصل للجامعة أو يأثر على مستقبلي واتعامل ازاي مع المحصل لو جه البيت وايه حقوقي في الموقف ده والله أنا مش ببرر غلطي انا بس محتاج اعرف أتصرف إزاي لأن الضغط بقى فوق احتمالي مش اكثر وبترجاكم لو بتفكروا تستلفوا من فاليو أو أي تطبيق تقسيط لمجرد انكم مخنوقين ماديا ابعدوا عن الخطوة دي لو معندكوش مصدر دخل وحاجة تسدو بيها انا دخلت التجربة دي وأنا أصلا ظروفي صعبة وخرجت منها بمشكلة اكبر بكتير من اللي كنت بحاول احلها يا ريت ولله اي حد فاهم في القانون المصري ينصحني اعمل إيه لان والله أنا مش عارف أبدأ منين

من اول ماعرفت الشبهات مفيش شبهة دخلت دماغي بربع جنيه حرفيا غير شبهة واحده بس (مركزية الارض في الاسلام)
حرفيا كل ما اقرا القرآن بحس ان الارض هي المركز
حتى فيه ايه بتقول ان الارض اتخلقت في اربع ايام ثم استوى الي السماء فقضاهن سبع سماوات في يومين !!
وفي الاخر ناسا بتقول ان الارض حته كوكب مرمي وسط مليارات المليارات المليارات المليرات الميليارات من الكواكب فمجرة وسط مليارات المليارات المليارات من المجرات فكون وسط مليارات الاكوان وان احنا لاشيء … طب ازاي ؟؟؟؟؟

اومال ازاي الارض اتخلقت في توتال اربع ايام ثم استوى الي السماء فقضاهن سبع سماوات في يومين !؟؟؟

ازاي ربنا بيمسك السماء عشان متقعش على الارض ؟

ازاي الشمس بتجري لمستقر لها ؟(شايفك ياللي هتقولي طب م الشمس فعلا بتتحرك) لا في حديث بيشرح الايه دي وبيقول انها بتذهب (عند الغروب) لتسجد تحت العرش ويوشك ان تذهب فتستأذن فلا يقبل منها ويقال لها (ارجعي)

ازاي فيه سبع سماوات ومن الارض مثلهن ؟

انا كنت قربت الحد بسبب اني مبقتش حاسس ان الرسول كان عارف شكل الكون وان وصف الكون الاسلامي هو وصف يعتبر بدائي للحاجات اللي العلم اكتشفها

لحد مالقيت واحد اسمه الغريب عاليوتيوب كان منزل فيديو بيشرح فيه مؤامره رؤساء العالم والنخبة وحوارات ابستين وان بعل معبود من زمان وان فيه حضارات قديمه كانو بيعبدوه والصراحه طريقة كلامه شدتني جامد
ولقيته ابتدى ينزل سلسلة فيديوهات بيقول فيها ان فيه مؤامره كبيرة معموله لإخفاء حقيقه السماوات والارض
وبيدي ادلة كتير على كده

https://youtu.be/JAk0yZ_gK0o?si=scS61WzdiltcmJSn

بصراحه انا ايماني حرفيا مبقاش يرجع غير لما اسمع حد بيقول ان الارض مسطحة (او كورة بس على الاقل نبقى مركز الكون) لما حد يقول ان الارض كوكب وان ده لا يتعارض مع الدين بقفل منه علطول وبحسه بيرقع والله بجد ولما حد بيثبت ان الارض كوكب بحس ايماني ضعف

اقسم بالله عارف اللي هتقولوه .. هتقولو اني مجنون وازاي رابط ايماني بشكل الارض
انا قولت قبل كده ان كل الشبهات مبتعشش في دماغي زي الشبهة دي

​

الحكاية دي ابتدت معايا من اكتر من سنة

انا شغال في صيدليه و جالنا شخص جديد يشتغل معانا. الشخص ده بني ادم كريه فعلا ومحدش كان طايقه من اللي شغالين معاه.

المهم هو عرف عن عادة معينة كويسة انا بعملها فاتريق عليا و سبحان الله انا بطلت العادة دي فترة طويلة (كذا شهر) و بدون سبب مفهوم بس الحمد لله رجعتلها تاني

الشخص ده كان ساب الشغل بعد حوار التريقة ده و راح صيدليه تانية واخباره اتقطعت

من كام يوم لقيته جايلي الصيدلية و حاله يصعب على الكافر. مطول دقنه (و هو كان شخص بيعتني بنفسه الي حد كبير) و بيقولي امي في المستشفى و محتاج توفرلي الدوا الفلاني اللي هو مش موجود اصلا في السوق وانا صرفت علي مرض والدتي 200 الف جنية

الصراحة انا مكنتش حاطط موضوعه في دماغي ومكنتش مجمع اصلا انه حسدني زمان بس سبحان الله ربطت الاحداث ببعض و فعلا الحسود اخرته طين