مفكر احط كل ما املك من مالي ومال اهلي لانوا دايما مع كل هبوط ارتداد قوي تنصحوني ؟

ياجماعه انا اشوف اني شوي فاشله باداره راتبي ولا افهم بالاستثمار بشكل عام ونوعا ما مدمنه تسوق .. لو فيه احد عنده خبره ممكن يساعدني كيف اتصرف؟

بعض المعلومات for context

- راتبي ١٩٥٠٠ .
- عندي ١٦٠ بالاسهم السعوديه تاسي لكن خسرانه وصارت ٩٠ الف ولا لمستها.
- عندي ٦٠ الف كاش ع جنب ببنك ثاني.
- عندي سيارة باسمي ومب متزوجه ولا عندي اي قروض لكن ادرس ماستر وخلال سنتين لازم ادفع ٢٣٠ الف اقساط ( ابوي بيساعدني جزئيا فيها)

بلييز اللي يعرف كيف ممكن ارتب راتبي ووش اسوي عشان انقذ نفسي من الاسهم.. واحس موضوع الماستر مسبب اني ازمه شوي وضغط ولا ادري وش المفروض اسوي

شكرا لكم🙏

السوق الأمريكي اشتري ولا متوقعين السوق يطيح أنا مركز على التكنولوجي

السلام عليكم، انا طالب ثانوي صممت نظام بعد خبرة سنتين ونص بالفوركس على سوق التداول الامريكي، كل التفاصيل واختبارات التحمل موجودة ببوست انجليزي قبل شهرين بحسابي عشان ما اطول عليكم.
متى اقول انه جاهز للفلوس الحقيقية؟ انا واثق منه وجربت عليه ١٥+ اختبار تحمل وانهيارات ومشاكل فالبرمجة الخ ولكن لأنني مو خبير فالاسهم ابغا رأيكم بأنكم اكثر خبرة.
طبعا البوت حلال ١٠٠٪؜ وانتج ٦٪؜ خلال شهر ونص (نصف ال١٠٠٠٠ دولار اصلا مو cash) وما احسبهم لما ادخل صفقات.

السلام عليكم ورحمة الله وبركاته
اخذت السهم بمتوسط ٩٧ وحاليا كل جلسة السهم يطيح لين وصل ٤١ بإغلاق امس، الهبوط الي صاير ماحصلت له أي مبرر سواءا من قوائم او أي مشاكل للشركة. كيف اضمن حقي انه مايكون فيه تلاعب بالسهم خصوصا اني داخل بمبلغ كبير وحاليا الخسارة 56%.

بديت من الشهر اللي طاف وواضح جدا ما عندي خبرة وعشوائية

سلام عليكم معروف قطاع بتروكوميات انه قطاع دوري وحتى لما يكون في تخمة في المعروض يكون في مكان عنده دوله معين او قاره الخ يكون فب دوله ثانيه او قاره ثانيه ما يكون عندها تخمه فا يكون في توزان في السوق اكثر ولكن مع دخول الصين في الانتاج احس القطاع دخل في تحدي اصعب فا صار عند فائض في الانتاج مع ضعف في الطلب وايضا الهند ناوية تدخل مع كل هذا دائم يجيني سؤال هل المفروض يعلن قطاع بتروكوميات يعلن استسلامه عندنا

السلام عليكم ورحمة الله وبركاته. انا اشتركت في البلاد حساب استثمار الوكالة قبل شهر ونص بالظبط مدة سنة توزيع شهري بنسبة 5.00 في المئة.

هل يستاهل انه اكسره واشترك تاني ستة او ٩ شهور في البلاد نفس الحساب او الإنماء حساب نماء. النسب أعلى صارت وتوصل 5.6 تقريبا او أعلى بقليل

اشتري ولا انتظر اشوف السوق الأمريكي يتكلمون عن ال AI bubble

بصراحه انا يأست شويه من السوق السعودي وأحب استثمر بأماكن مختلفه بس ودي اسأل واسمع آراء الناس من وقت لوقت بس يهمني اسمع من ناس سعوديين اكثر من غيره ( بسبب تقارب الثقافه بشكل عام و الأوضاع الاجتماعية والسياسية والماديه الخ) هل فيه صب عام يخص الاستثمار بس فيه على الأقل خليجين اكثر ؟

السلام عليكم ورحمة الله وبركاته

يعطيكم العافيه عندي استفسار

المليون و ٢٠٠ تنصحون تكون في عقار شقق عائد سنوي حول ٧٠ الف او تكون في سهم قيادي مثل STC ؟

واذا فيه شي افضل فضلاً اذكر لي ~ مثل الصناديق أنا جاهله فيه بالمره خصوصا ان المبلغ حالياً صاحبه مو محتاجه إذا فيه شي افضل من اللي ذكرت اذكره .

يا جماعة الخير انا يوم كنت صغير كان عندي مبلغ ممتاز جايني من ورث ،ابوي الله يعطيه العافيه شرا لي وقتها بميتين الف من شركه وحده اسهم (مرافق) كان سعر السهم الواحد 70 والحين خسران مية الف وش شوركم وش اسوي معها ؟ هل اخليها ممكن ترتفع ولا فيه حل ثاني

السلام عليكم،
أنا أتداول في الـFutures والعقود الأمريكية عن طريق منصات تداول، ومن ضمن طرق السحب المتاحة لي هو الـCrypto، وأنا بصراحة أفضل السحب بالـUSDT لأنه أسرع، وسعر الصرف غالبًا يكون أفضل بالنسبة لي، وما يكون فيه عمولة سحب.
لكن الفترة الأخيرة بدأت أقلق شوي من موضوع الـP2P.
لما أبيع USDT، لاحظت شيء يتكرر كثير: بعض الأشخاص أشوفهم يشترون مني مبلغ معين بطريقة دفع، وبعدها بفترة قصيرة أشوف نفس الشخص حاط عرض ثاني بمبلغ مختلف وطريقة دفع مختلفة.
مثلاً شخص اشترى مني USDT بقيمة 1,000 ريال عن طريق UrPay، وبعد كم ساعة أشوفه حاط عرض ثاني يشتري 1,500 ريال عن طريق بنك الإنماء. وشفت نفس النمط يتكرر مع أكثر من شخص.
وبرضه لاحظت أن فيه تقريبًا نوعين من الأشخاص:
النوع الأول:
عدد عملياته قليل نسبيًا، لكنه يتعامل بمبالغ كبيرة، ويكون انتقائي جدًا في الأشخاص اللي يتعامل معهم.
النوع الثاني:
عنده عدد عمليات بيع وشراء كبير جدًا، لكن غالبًا بمبالغ صغيرة.
برأيكم أي نوع فيهم أفضل وأأمن للتعامل معه؟ وهل كثرة العمليات تعتبر شيء سلبي فعلًا، أو ممكن تكون تمويه عشان البنك مايدقق ع الحوالات الصغيره؟
الشيء اللي خلاني أسأل هو أني أول مرة جربت أحط عرض بيع بنفسي. عادةً أنا ما أحط عرض، وإنما أبيع للأشخاص اللي يكونون حاطين عروض شراء.
حطيت سعر أعلى شوي من المعتاد، وبعدها مباشرة تقريبًا بدأت تجيني حسابات جديدة تبغى تشتري. اغلب الجديد ما يتكلم عربي، وعندهم عمليات شراء فقط.
واللي زاد شكي أن بعضهم قال إن الدفع بيكون من طرف ثالث، وبعضهم قال إن الدفع بيكون من حسابه الشخصي بس مايتكلمو عربي
بصراحة خفت وما بعت لأي أحد منهم، وقلت أسأل هنا أول قبل ما أكمل.
أنا مو قاعده أتهم أحد أو أقول إن الأشخاص هذول نصابين، لكن أبغى أفهم من الناس اللي عندهم خبرة في الـP2P:
إيش أهم العلامات الحمراء اللي لازم أنتبه لها؟
هل الشخص اللي عنده عمليات كثيرة ومبالغ صغيرة أأمن من الشخص اللي عنده عمليات قليلة ومبالغ كبيرة؟
هل تكرار الشخص للشراء والبيع بمبالغ مختلفة وبطرق دفع مختلفة شيء طبيعي؟
وإيش خطورة قبول الدفع من طرف ثالث؟
وهل فيه أشياء معينة لازم أتأكد منها قبل ما أبيع USDT لشخص ما أعرفه؟
خصوصًا أني أتعامل بالريال السعودي عن طريق البنوك والمحافظ المحلية، فأي نصائح من أشخاص عندهم خبرة في الـP2P بالسعودية بتكون مفيدة جدًا.

خذت قرض شخصي وشريت سيارة ب 320 الف وبعتها ومعي 300 كاش، وش رايكم، اسدد البنك؟ ولا اكمل على اقساطها واحط المبلغ هذا في احد الصناديق؟

القسط بالنسبة لي يعتبر مقدور عليه وبخلصه بعد 4 سنوات.

عطوني نصائح بصناديق كويسة او غير الصناديق، ابي اذا سددت القسط يكون معي مبلغ كويس.

فكرت بصناديق الريت بس ماشفت عليها مدح عندنا.

شوركم الله يجزاكم خير لأخوكم مايدري وين الله حاطه.

عندي شخص عزيز علي عنده اسهم لي في حسابه

هل اقدر انقلها باسمي؟ بدون سالفة بيع وشراء

وايش الاجراءات المطلوبة؟

انا في الجامعة وابغى ازيد دخلي
خبرتي 0
ايش افضل

بديت من شهر ٦ هذي السنة، والهدف استثمار ٥-١٠ سنوات

السلام عليكم يارب كلكم سعيدين وبخير

توني استلمت اول راتب لي بالحياة
واقدر ادخر منه تقريبا ٧٠٠٠-٨٠٠٠ كل شهر ولكن ابي اعرف وين اقدر استثمرها او ادخر بعوائد؟
احوس بتطبيق الراجحي اشوف صناديق ومادري ايش لكن ما ادري وش الافضل وايش الفرق بينها؟

جربت محفظة balance بتطبيق دراهم ونزلت
، الاسهم برضو اشتريت بارامكو وstc والحين بالاحمر ^_^

- اعتذر اذا الصب مو مناسب بس للاسف بابا يجهل بهالامور واخواني كلهم صغار وماعندي غيركم اسأل.

الله يدخلكم الجنة ويرزقكم من من واسع فضله

بعد بحث وأسئلة، كنت أدور على مكان أجمع فيه فلوس صندوق الطوارئ؛ المبلغ اللي تدخره على جنب وممكن في أي لحظة تحتاجه، لا سمح الله، لمستشفى، مشكلة في السيارة، عطل، سباكة… باختصار: أمر ضروري.

١/ كنت أجمع فلوس صندوق الطوارئ في حساب منفصل في بنك الراجحي، لكن لأن الفلوس قدام عيني، كل ما احتجت شيء، مهم أو غير مهم، على طول أسحب منها.

٢/ أهم خاصية في هالمبلغ إنك ما تعرف متى بتحتاجه، فوضعه في استثمارات ممكن تنزل بأي لحظة أو ذهب يعتبر تصرف خاطئ ❌

لأنك ببساطة ممكن وقت حاجتك له تبيع بخسارة.

٣/ لازم يكون فيه سرعة للوصول له. يعني إذا احتجته اليوم، معناته اليوم أو بكرة بالكثير يكون عندي، لأنه مبلغ طوارئ.

باختصار، لازم يكون فيه:

مصدر آمن + سهل الوصول + ما ينقص أو تعبث بفلوسك حتى هللة وحدة.

وهنا عرفت المحفظة الادخارية في دراهم.

أولًا: بدون رسوم، لا إيداع ولا سحب.

ثانيًا: التحويل من الراجحي لدراهم أو السحب من دراهم للراجحي بدون رسوم، مجانًا.

ثالثًا: ما تكون الفلوس أمام عينك في البنك، هي في منصة أخرى اسمها دراهم.

رابعًا: المحفظة ادخارية، فلوسك مثل ما حطيتها، تسحبها ما تنقص ريال.

خامسًا: تقدر تبدأ فيها من مبلغ 100 ريال فقط.

قلت أفيدكم لأني أعاني مع هالموضوع من فترة.

للمعلومية: المحفظة إلى الآن تحت التجربة، بدأت فيها من فترة بسيطة، لكن إلى الآن الأمور طيبة 👍🏻

سلام
ياخوان انا حاط اغلب فلوسي في محفظة الكاش باك في ملاءة وتعطيني ربح يوميًا لكنها محفظة منعدمة المخاطر ويعني الربح ما يوكل عيش ابدًا
وسمعت ان فيه خيارات احسن منها بكثير ، لكن ما داري وش

ابي رايكم تكفون

لي فترة استخدم دراية بسبب الـ٠٪؜ عمولة ولكن لي فتره افكر ادخل في الذهب و الكريبتو ومو موجوده في التطبيق عشان كذا ابي اغير البرنامج الي يقدر يساعدني ما يقصر