السلام عليكم عندي شيفروليه سبارك أخذتها مستعملة من أخوي، وكانت أمورها تمام أول كم شهر، بعدها فجأة صارت صرفية البنزين الدبل
كنت أعبي فل بـ70 ريال تقريبًا ويكفيني أسبوع، لكن بعدها صرت أعبي مرتين بالأسبوع رغم أن مشاويري بسيطة، أغلبها للجامعة ومقاضي البيت. و مشوار خط مكة–جدة الي كان يستهلك ربع التانكي،
صار يستهلك نص التانكي!
استمرت المشكلة شهور لأني كنت كل شوي اقول بعدين بعدين بعدين لأن ما عندي فلوس التصليح، خصوصًا أن أغلب مكافأتي كانت تروح للبنزين الي بلع نص المكافأة و و النت و تغيير زيت.
المهم، تخرجت من الجامعة وانقبلت في الأكاديمية السعودية اللوجستية بجدة، وصرت أداوم يوميًا من مكة. فلازم و ضروري جدا ان اصلحها لو حتى اتسلف. يعني مو معقولة خط مكة جدة ياخذ نص التانكي يصير اعبي فل كل يومين !! خاصة ان الحمدلله ان مكافأتي بالاكاديمية راح تكون ٢٥٠٠ 🤑 ما شاء الله.
لكن الغريب أني بعد أسبوعين من الدوام لاحظت أن صرفية البنزين رجعت طبيعية تمامًا، وكأن المشكلة انحلت من نفسها، بدون ما أصلح أي شيء! صرت اداوم مكة جدة كل يوم و صرفية البنزين صارت بس تاخذ ربع التانكي زي اول 🤨
هل خلاص اموري تمام ولا ذا لا سمح الله فخ راح يرجع زي اول او اخس؟
عندي نظرية وأبغى أعرف رأيكم فيها اظن هي الي سببت المشكلة
قبل المشكلة كنت أستخدم زيت شيل هيلكس 5W-30، وبعدها جربت زيت من شركة ثانية ما أذكر اسمها و اخوي عاتبني و قالي شركة خايسة زيوتهم سيئة لا تاخذ منهم، بعدها صرت أستخدم ناشونل اويل ستوب 5W-30 التابعة لبترومين، و اخر تغيير زيت سويته هو شيل هيلكس 5W-30. بعدها لاحظت أن الصرفية رجعت طبيعية. و استذكرت ان المشكلة بدأت من ايام ما غيرت لذيك الشركة و استمرت حتى اخر مرة غيرت الزيت لشيل هيلكس
هل ممكن يكون لنوع الزيت علاقة بزيادة الصرفية؟ أو مجرد صدفة، والمشكلة لها سبب ثاني واختفت مؤقتًا؟
اعطوني رأيكم و نصايحكم و توقعاتكم لسبب المشكلة
