We listen and we don't judge

اني اغبى شي سويته لمن جنت مسلمة انو جنت افوت على فديوهات الملحدين مثل شريف جابر وماجنت اكمل الفديو ولا اسمع منه شي جنت كبل افوت للكومنت وادافع عن الاسلام واكله انت كل عقلك تحارب امة المليار ونص مسلم ( سودة بوجهي متندمة على كل كومنت سلبي كتبته لشريف لمن جنت ثولة ) 😭

من اكثر اشياء الي اكره من يدخلون اسلام بالتعليم، من يجيب ايات او احاديث غلط (الي هي مفروض اعجاز علمي)و تدريسي يكول هاي معلومات صحيه دون ما يبحث. مثل بالجامعه معيدنا بالتشريح,قال ان عظم عصعص ما يتحلل حتى لو تحركه، كلامه جاء من حديث «كُلُّ ابنِ آدَمَ يَأكُلُه التُّرابُ، إلَّا عَجْبَ الذَّنَبِ، منه خُلِقَ وفيه يُرَكَّبُ»

وفي رواية أخرى:

«ليس من الإنسان شيء إلا يبلى إلا عظما واحدا ـ وهو عجب الذنب ـ ومنه يركب الخلق يوم القيامة» و هاي معلومه خريط هو يتحلل حاله حال باقي العظم. او اية تكوين جنين، او احاديث ثانيه. يغسلون عقل طلاب بمعلومات غلط، يا ريت صح.

هاي مصيبه بكل مقايس هذا طالب باجر دكتور عليك او جراح او مهندس، شلون راح يأدي شغله بطريقه صح و هو تعليم غلط. اضعف ايمان يعطي معلومات صح. حتى بالسعوديه بعض الكتب تقول نظرية تطور اثبتت غلط رغم هي صح و كل يعرف. انا جدا منزعجه من هذا موضوع حرفيا خلصت كل عمري بين الكتب و دراسه بانظمه جدا صعبه و متخلفه، و اقل شي معلومات صح ما يعطون. الدين مكانه مو انظمه تعليمه و لا راح يكون هذا مكانه.

​

قررت أسوي صب جديد لأن لاحظت إن هواي من عدنا هنا يحسون نفسهم مقيدين بالقوانين، وحتى إذا أحد حب ينشر شي مختلف أو يطلع عن المعتاد، ممكن يتعرض للانتقاد

فگلت ليش ما نسوي مساحة خاصة بينا نحچي بيها براحتنا عن أي شي يخطر ببالنا نشارك اهتماماتنا وأفكارنا وتجاربنا ونكون على طبيعتنا بدون قيود مزعجة أو أحكام مالها داعي

بس أكو شغلة مهمة: هاي المساحة مخصصة للملحدين واللادينيين واللاأدريين فقط مو هدفي أسوي صب ضخم بيه آلاف الأعضاء ولا أريد المكان يتحول لمكان بي جدال أو إزعاج بالنسبة إلي وإلكم الأهم هو نوعية الناس وراحتهم مو عددهم

وحتى لو احتاجينا نخلي الصب خاص ونكتفي بعدد قليل من الأعضاء حتى نحافظ على هدوء المكان وخصوصيته فما عندي أي مشكلة أفضل ل مساحة صغيرة ومريحة نكدر نحچي بيها بحرية على مجتمع كبير ما نحس بيه بالراحة

الفكرة مو بس نسوي صب جديد، وإنما نخلق مساحة نكدر نكون بيها نفسنا نشارك أي شي نريده نضحك، نفضفض، نتناقش أو حتى نحچي بأمور عشوائية، بدون ضغط أو مضايقات أو محاولات لفرض الآراء

وإذا عندكم أفكار أو اقتراحات أو تحبون تساهمون ببناء هالمساحة، فأهلاً بيكم. نكدر نكبرها أو نخليها صغيرة حسب اللي يناسبنا، والأهم نقرر سوية شلون نريدها تكون

باختصار: مو مهم شكد عددنا، المهم نرتاح بوجودنا مع بعض

ويبقى هذا الصب محافظ على هويته وفكرته

هذا الرابط:

https://www.reddit.com/r/N0nBelievers/s/k9yvNrATwS

انتحر الممثل RJ MITTE في 12 من اكتوبر عن عمر يناهز 34

شي الايجابي تعليقات سوتها ميز

اذا شخص تعرفوه وتحبوه كاللكم بعصبيه "خرا بربج" يحقلكم تزعلون وتقطعون علاقتكم بي؟
اني ما اؤمن بالله بس حيل انغثيت وانقهرت من الكلمة
واريد اقطع علاقتي بي نهائيا

محد حلها؟

ممكن نسوي مقاطعة لجميع المنتجات
الي ارتفع سعرهم واهمهم المشروبات الغازية حتى يرجع سعرهم مثل قبل
<>
Add flair *
شركات المشروبات الغازية كلها داخل العراق فما اعرف شنو علاقتها بالدولار يعني كفر قوطية بكد أصبعي سعرها خمسمية والأندومي ٣ بألف ناهيك عن البيض الي صار ٢ بألف شبابنا بناتنا اخواننا ارجوكم قاطعوهم حتى ترجع الأسعار طبيعية ترا مراح تموت إذا ما شربت ببسي او اكلت أندومي او بيض لمدة شهر لازم نوكلهم عند حدهم حتى يحسبون للمواطن حساب

طبعًا هذا دخل يفضفض وياي بدون سابق إنذار، وبعد ما بديت أحچي وياه وأكتشف طريقة تفكيره، اكتشفت شكد عقليته تعبانة وتحتاج إعادة ضبط

بالبداية، انفتح موضوع الحرية واكتشفت أن مفهومه عنها يقتصر على نزع الحجاب والخروج من البيت وهنا عرفت شكد نظرته سطحية ومحدودة جاوبته وكتله إن الحرية مو بس بهيج أمور والموضوع أوسع من هذا بهواي

فرد علي وكال إن مستحيل يخلي زوجته تنزع الحجاب هنا بالعراق وحتى لو طلعت للخارج يبقى يفكر بالموضوع ومستحيل يخليها تلبس مثل الأجنبيات جاوبته باختصار وكتله إلك حق تنطي رأيك وتنصح بس مو تفرضه بس ما حبيت أدخل بنقاش طويل لأن نفسيتي ما جانت تسمح وبنفس الوقت صرت أعرف شنو طبيعة الأفكار اللي يشيلها

وبالبداية هم طلب مني صورة ومن رفضت كال الظاهر بيج عرك إسلامي وبقى يستهزئ وبعدين صار يحچي عن نطلع ونطب وأجيه ويجيني وهنا فعلًا غسلت إيدي منه

وبعدها دخلنا بموضوع الأدوار الجندرية وصار يدعي أن هي دليل علمي ولمن ناقشته رجع يكول إنها مجرد ثقافة وبقى يناقض نفسه من موضوع لموضوع وبالنهاية من ما لكه شلون ينهي النقاش قرر يقلل مني ويكول إني زعطوطة ومن أكبر راح أفهم الموضوع ويتغير تفكيري

كتله إذا فعلًا عندك حجة وتريد تناقش ناقش الموضوع بهذا الصب، بس رد علي بأن الموجودين هنا مجرد ناس يكفرون ويسبون لان شايفني اصغر منه لذلك ما ياخذ نقاشي بجدية واصلا هو معتبر النقاش فوز او خسارة، وعلى كولته لINTJ ما يقع بمغالطة

ولي عنده فضول يشوف المحادثة يكول لايستحي وهمات ماريد انغث وحدي

يقول ذلك الصوفي الاكبر ابليس

''سيد الموحدين''

من الناحية العقائدية والفلسفية في الإسلام، لا يوصف الله عز وجل بأنه كان يحب" إبليس بمفهوم المحبة الخاص بعباده الصالحين، بل كان إبليس مقرباً بعبادته وعمله قبل خلقه لآدم وعصيانه لربه ولكن النص ليس بالضرورة أن يكون وصف دقيق وسليم الأهم هو توصيل الفكرة التركيز سيكون على إيصال الفكرة بوضوح وبساطة، دون التعقد في صياغة الكلمات أو التفاصيل

إبليس سيد الموحدين" هي عبارة من أقوال الشطح الصوفي التي وردت عن بعض أعلام التصوف التاريخيين، مثل الحسين بن منصور الحلاج في كتابه "الطواسين"، وأحمد الغزالي (أخو الإمام أبي حامد الغزالي)

الموضوع بطريقة منطقية صحيح لم يرد في الكتاب أو السنة أن الله تعالى كان "يُحب" إبليس حباَ خاصاً (حب الاصطفاء والرضا الذي يحبه لعباده المؤمنين والأولياء)، بل كان إبليس في تلك المرحلة من العابدين والطائعين الذين عبدوا

الله مع الملائكة أو في صفتهم، وقُرِّب في منزلته لطاعته السابقة

ولكن مفهوم "شدة عبادة إبليس لله" قبل غوايته واستكباره هو أحد

الموضوعات البارزة في التراث الإسلامي والتفسيرات القصصية الموروثة

(الإسرائيليات والمصادر التاريخية التراثية)، حيث يُنظر إليه بوصفه مفارقة درامية كبرى.

​تتضح تفاصيل هذه الصورة التراثية والتحليل النقدي لها عبر الجوانب التالية:

​الروايات التراثية عن عبادته ومكانته:

​تُشير بعض التفاسير وكتب التاريخ الإسلامي القديمة (مثل ما ورد عن ابن عباس وغيره) إلى أن إبليس قبل عصيانه كان يقيم في السماوات، وكان يُلقب بـ "طاووس الملائكة" لشدة اجتهاده وكثرة عبادته.

​تُصور الروايات أنه قضى آلاف السنين في السجود والعبادة، حتى إنه بلغ مرتبة جعلته يُذكر مع الملائكة أو يرتفع في المقامات العليا رغم أنه لم يكن من جنسهم (إذ كان من الجن)

الإشكالية المنطقية: تناقض "الرحمة الكلية" مع "العقاب الأبدي الفوري"

​من منظور عقلاني نقدي، يظهر تناقض بنيوي في السردية:

​ميزان الحسنات والسيئات: إذا كان النظام الديني يقوم على قاعدة أن "الحسنات يُذهبن السيئات" وأن "الرحمة سبقت الغضب"، فإن إلغاء تاريخ

طائلي من آلاف السنين من العبادة المخلصة والتسبيح بسبب موقف واحد (امتناع عن السجود لآدم) يبدو تناقضاً مع مفهوم العدل المطلق أو التجاوز عن الخطيئة الأولى.

​غياب فرصة التوبة: البشرُ يُمنحون فرصاً متكررة للتوبة طوال حياتهم، بينما في حالة إبليس، صدر الحكم بالطرد الأبدي واللعنة فوراً وبشكل نهائي، دون

إتاحة مساحة لتراجع أو استغفار يمحو تلك الزلة، مما يجعل العقاب غير متناسب مع الحجم الزمني للعبادة السابقة.

يعني الشيعه والسنة الهم محاصصة وحتى الكرد بينما احنا حتى چلب الشوارع عندة حقوق اكثر منا ، يعني لشوكت نبقى على حالنا هذا!! رغم اعدادنا جاي تزداد ، يعني انه ما فاهمه شوكت يصير براسنا حض

بغض النظر عن سالفة رفع سعر الصرف اللي ماكو منطق بيها ترفع 20 الف دينار چكة وحدة، وطلع بالتلفزيون يگول اتحمل الأزمة وحدي وهو الأندومي الچيس چان بربع صار بـ500، لا واضح اتحملها وحده

اللي صار هسه هو دمار اضافي للعراق بس عالمفضوح

العينتين معيّن 4 نواب له ويگول مجاناً بدون رواتب، المشكلة هذولة النواب واحد محسن المندلاوي اللي هو بالإطار التنسيقي، واللاخ ليث الخزعلي اخو قيس الخزعلي اللي ما اعرف شنو خبرته السياسية او المهنية اللي ياخذ بيها هيچ منصب ومحمد تميم وي الحلابسة وواحد كردي

زين تجيب واحد مثل ياسر صخيل نسيب المالكي وتسويه وزير داخلية وهو چان مجرد شرطي

زين هسه وزارة السياحة اللي منطيه الإجازة للفنادق بـ بغداد بالاستمرار بعمل الملاهي والديسكوات، راح تروح لكتائب سيد الشهداء اللي زعيمها أبو آلاء الولائي، يعني صايرة دايرة؟ طول عمرها الوزارة للمسيح، فجأة صارت للولائية، طبعاً راح تبقى البارات ومخازن الشرب بعملها رغم أبو آلاء إسلامي شيعي ما يعرف بس درب المقاومة والسجادة

واكو كارثة اكبر، وزارة الذكاء الاصطناعي او وزارة التحول الرقمي، هاي راحت لمحمد الدراجي طبعاً بس العتيگ والمتابع القديم يعرف منو محمد الدراجي، راح لكتلة شبل الزيدي (اللي چان زعيم كتائب الامام علي وهسه عود سلّم سلاحه وصار بالاطار التنسيقي) يعني العينتين استحدث وزارة واستلها مقابل تسليم السلاح، والمشكلة الأكبر انه علي نهيّر ممثل الكتله مالته هو گال هيچ، گال ان الحقيبة الوزارية انطته هاي الوزارة تعويضاً لانه ما صار نائب رئيس وزراء

بلد منتهي، دتشوفون كمية الخريط اللي صايرة گدامنا وكل الناس ساكته؟ ولا بشر منهم يگدر يعترض بس عالسوشيال ميديا، شلون گاعدين الحبايب يتقاسمون الكعكة نفس ما گالت الحكيمة حنان الفتلاوي، ماكو شي اسمه انت تستحق منصب تعال أخذه، لا، هاي حصتي وهاي حصتك

وراح نبقى هيچ، هذا الزيدي اللي ناس رادت تستبشر بوجه الشبابي الخير، خوش گام يشتغل هسه، بعدكم ما اتعلمتوا الدرس من القبله، ولا راح اعتقد تتعلمون

لاي درجة من الخساسة ممكن الانسان يوصلها حتى يحاول يشرعن تفخ/يذ الرضيعه؟؟ ولمن تغلط عليهم يكلولك ماتحترم وهو ليش الي يشوف انو هالفعل والتصرف عادي يحتاج احترمه؟ وهذي كاتبتلك جريدة طول وعرض تحاول تشرعن فعل مايتقبله عاقل، حرفيا بس الانسان المنحط اخلاقيا والفاسد عقليا راح يتقبل هالكلام. nobody can understand the rage i felt while reading this bs. هالكلام اعتبره اكثر شي فضفضه (لان لعبت روحي) على انه انتقاد لان بالعقل هل هذا الشي يحتاج انتقاد حتى يبين انو غلط؟