احد يعرف مجتمع ديسكود حيوي به ناس تسولف و تلعب ؟

الاشرطة ذي الي من نوع Vhs اظن ذا اسمها كذا عندي معها ذكريات جميله كنت اشوفها عند بيت جدتي الله يرحمها وكانت اول اتصال لي مع الاجهزة البصرية الترفيهية كانت ممتعه والصراحه افتقد الاوقات ذيك و فيه مسلسل اختفى كان له اشرطة مسلسل اسمه شداد و رداد كان مسلسل بدوي و فيه شخصيات من رجل جنسيته سوداني راعي غنم و رجلين ثنين واحد اسمه شداد و الثاني رداد وهم الشخصيتين الرئيسيتين ذا المسلسل بحثت عنه بشكل عميق ولا حصلته و لا اعرف تفاصيل كثير عنه كافيه اني ابحث زين و كنت صغير وقتها و انا اشوفه ذا السبب الي مخلي معلوماتي شحيحه عنه فيه برضو مسلسل سالي المعروف و شديد وتمام معروف برضو فيه دبين اسمهم لوز و سكر و برضو عدنان ولينا معروفين كيف تجربتك مع الفترا ذي؟ + بالله احد يعرف كيف احصل مسلسل شداد و رداد؟ .

why is qassim literally the headquarters of مطاوعه like is there a different version of islam over there or what i’m actually so curious what qassim was like during pre-islamic times

مطارنا ليش زفت كذا يعني مو معقوله مطار دولي و رحلاته محدوده

الولد هذا طيب وحبيب وانسان متساعد وخدوم وشخص يعتمد عليه بامور الحياة، بفترة الثانوي كنت دايم ادعمه بالفودترك حقته واعزز له، مابيننا ميانه او صداقه يعني اقل من زميل كان وماكان بنفس الفصل حتى، ولا اذكر كيف تعرفت عليه وكيف اضفته، اخر مره تكلمنا ب ٢٠٢٤ كان يرسلي ريلزات بنات وزقت معي وبلكته من الانستا ونسيت انه عندي بالسناب جاء كلمني قبل فتره ورديت وصار كل اسبوعين ثلاث يرسل اليوم جاني قال شفتك الجمعه الي راحت وكذا وودي نطلع سوا دامي جيت بالاجازه حقتي هنا وخلاني ارجع اضيفه انستا، وياخي يتكلم معي كاني اعز اخوياه وكان بيننا عشره عمر كل ماكلمته اصنم لاني مابي ازعله ولا ادري كيف اتصرف او ارد يعني شوفوا شقاعد يقولي !! الحين ماعرف اطلع معه ولا لا، يوترني والله

اتأمل اني اتوظف فيها ولا مافيه امل؟ وكيف اوصل لهم

https://qareen.app

اللي وده يجربها واي نصايح اكون من الشاكرين

الرس اشتقتو له؟

ابي احد يقولي اسراره وفضايحه واذا يشتغل يقولي اشياء تفشل صارت له بالدوام

للناس الي اشتغلت ف محلات تجارية و مسكوا مسؤليات ومنصب عالي ف عمر صغير و نجحوا عطونا نصايحكم و المشاكل الس واجهتكم وهل كنتوا قد الثقة ولا لا

سلام عليكم تعرفون كيف اشوف الصكوك العقارية وخاصة صك الافراغ؟ لاني احتاجه لتقديم استرجاع الضريبه والموضوع كان في ٢٠٢٠ بعت لي عقار ودفعت الضريبه والان جتني رساله بخصوص هالشي بس ما حصلت صك الافراغ كدليل لملكيتي بحثت بناجز و البورصة العقاريه وكان قبل صك الافراغ بتوكلنا بس انشال اللي يعرف كيف اطلعها يفيدني

المواقف الي يندفع عليها بالساعة، ياجماعة انصدمت! انا دايم ادفع فيها ساعة بس مرات اجلس ساعة وعشرين دقيقة او ساعة وشوي، وانصدمت يوم دخلت التطبيق ولقيت علي مخالفات ١٠٠٠ ريال!

تصدقون ما قد لبقت هناك وما دفعت؟ دايم ادفع

والي يقهر المخالفة الوحدة ٢٥٠ ريال! على ايش بالله، يعني لو حاطين المخالفة ٥٠ ريال او ٧٥ اوكي لكن ٢٥٠!!!

وش ممكن يسوون؟ انا خلاص ماراح اوقف سيارتي هناك لكن صعب جدا ادفع لهم ١٠٠٠ ريال

وش اقصى شيء ممكن يسوونه؟ نصيحة شيكوا التطبيق حقهم ترا يطلع عندكم مخالفات وانتم ما تدرون

السلام عليكم
سوالي موجه للبنات الي مطلعين رخصة بالبكيرية طمنوني كيف هل متساهلين؟ انا قصيميه بس عايشه بالرياض وما ابي اطق مشوار للقصيم ويطلع وضعهم صعب ولا تستقعد لي وحده
عطوني تجاربكم 🙏🏻

مرات اكون اصمم او اسوي اي شغله بالحياة لكن اذا كلمني احد افز يعني اليوم بالمطبخ اسوي فطور فجاه اخوي قالي صباح الخير بغيت اموت مع انه مو شي غريب يعني دايم يصحى هالوقت ومره كنت اصمم ودخلت الغرفه امي تسالني اذا ابي شاهي وبغى قلبي يوقف كانه احد داخل علي وانا اسوي جريمة، فيه احد نفسي؟ + موضوع الغرفه حاولت اتفهمه لاني دايم اقفل الباب لكن اليوم ذاك ماقفلته حتى الضحكه اذا شفت مقطع وضحكت عليه ودخل علي احد افز والضحكه تختفي 😵‍💫 اول مره افكر بالموضوع ماحس له تبرير

دايم اذا سولفت ما ارتاح الا اذا قلت السالفه بكل تفاصيلها مع الوقت والمكان وكيف كان شعوري وقتها وايش لابس وكيف كان الجو وكيف كانت ردات فعل الي موجودين هل تحسون الشي ذا ينفر الناس؟ يعني انا اشوف السالفه ماتصير سالفه الا اذا كذا انقالت بس احس مرات ينزعجون الناس او يملون لكن لو حاولت اختصر احسها ماتصير سالفه يعني خلاص ماله داعي اقولها اذا مابقول تفاصيل

عايزه اتعلم فرنساوي محتاجه سنتر او اونلاين مع مدرس يدرسني لغه يكون ف بريده بس لغرض الهجره انا مش طالبه.
اي اقتراحات ؟؟؟

عندي لوحة تربل حروف ح ح ح اللي له نظر يتواصل معي

بنات وش احسن صالون جربتوه للهير تريتمنت ؟ اشوف الصالونات اغلبهم عندهم تريتمنت و مساج كوري مائي لكن احترت لاني ما اعرف احد مجربهن و مابي اروح على عماي ، اذا عندكم تجربه افيدوني الله يسعدكم

اللهم سخره لي

اذكر سمعت ان فيه طابعة بالجامعة تخبرون وينها 😅 او مكان يوفر استخدام الطابعة بشكل مجاني خارج الجامعة سواء بدون او مع المواد، لاني الصراحة بلش عندي مشروع احتاج له الطابعة و الي بحراج اسعارهم نار